TRÀ DI NOI.

Trà di noi...

Quand'a luna canta à u celu
Lu s'amore in perdizione
Chjam'un tamantu puntellu
Quellu di le to  canzone

Quand'u fiore pregha à u sole
D'ascultà ne e stagione
Eiu ti scrivu duie parolle
Per assicurà l'emuzione

Quand' a terra dice à l'acellu
Di piantà in lu stradone
Stò à sente à u fiumicellu
Chì mi conta cù cumpassione

La nostra storia in riturnella 
Chì ribomba in lu rughjone
Aghju in core una paghjella
Cantata per l'occasione

Quella di nostra spartera
Ch'avemu in tradizione
Chjam'è rispondi in preghera
À tumbà ne a ragione

In li to ochji, una lumera
Luce  in giru à lu cantone
È franca l'ultima fruntiera
Per nostr'amore  passione...

Letizia Cosimi