DA L'ALBA À LA BUGHJATA.

Da l’alba à la bughjata...

Cum’un sicretu inumatu

Di quelli chì, à l’ispensata anu l’ardore

Di u vaghjime prufumatu

Chì si po dì, u so culore

Hè una stella cusì beata

È cum’un fiore...

Cum’una stonda à l’attrachjata

Chì dice chì, ancu à l’albore

U sole luce, innamuratu

Rifletta quì, u so splendore

Una canzona appena nata

In lu so core...

Ancu lu celu à lu so latu

Dice di sì, vole discorre

È intriccià u serinatu

Per culurì senza rimore

‘Ssu fogliu biancu appassiunatu

Chì scrive chì, hè ghjunta l’ora...

Lu mondu interu l’hà cantatu

U sentu quì, u batticore

Cum’una pace smisurata

Chì vole dì à u scrittore

L’ultima puesia data

Per custruì u primu amore...

Letizia Cosimi