I SETTI VENTI....
I SETTI VENTI....
Cum'un soffiu infiaratu
Di fumaccia o di fulena
S'hè svegliatu u suldatu
Per strappà ogni catena
SCIROCCU s'hè affacatu
U caldu si mette in scena
Sentite da l'altru latu
Ventu bruscu chì sumena
Stu rimore attunatu
D'inguernu ùn vale a pena
MAISTRALE spalancatu
Cù viulenza serena
U fretu hè cruciatu
À u seccu chì chinchenna
U celu hè sdinuatu
D'aria pura a più lena
TRAMUNTANA hè vultatu
Da u Nordu torn'appena
À la timpesta hè liatu
Ella ùn hè mai assenna
Chì l'auturnu accasciatu
È di veranu si scatena
GRECALE s'hè pusatu
À l'ingiru di a zenna
U timpurale s'hè stallatu
Hà fattu sunà a tintenna
L'inguernu s'hè discitatu
Sole ùn ci n'hè manc'appena
U LIVANTE hà mustratu
Chì ghjè ellu chì ci mena
Per compie 'ssu sirinatu
Hè ghjuntu di dopu cena
U LIBECCIU bellu cantatu
D'acqua è a so rena
À PUNENTE s'hè maritatu
Di trè ghjorni mai una pena...
Letizia Cosimi