Publié depuis Overblog et X (Twitter)
SONNIU NIULINCU.
Sunnieghju chì le mio rime
Si mischianu à l’albore
È discetanu à e cime
Una storia di splendore
Hè un sonniu di maraviglia
Chì m’incanta cù fervore
Valdu Niellu chì s’assumiglia
À lu to visu in bullore
Santa Regina mand’un surrisu
In una cria senza rimore
È po fideghja un nulu grisgiu
Chì lasc’un fiatu d’amarore
À Paglia Orba à u ravisu
In u mumentu chì si more
Lampa un versu appena lisu
Per ramintà à Cima a i Mori
Chì Capu Biancu bellu divisu
Trà l’amicizia è l’amore
Vole cantà à l’improvisu
Cù Monte Cintu in lu so core...
Letizia Cosimi