BANDERA MEA.

BANDERA MEA.

Strada fiera è ferita
Stampemu a to verità
In una storia rinvivita
Annigata di dignità

Cù la to lingua tradita
À difende l'indentità
Per ella, si cuncipita
Cum'un soffiu di libertà

Per l'invasore si smarita
È canti lu to sperà
Lingua guasi pruibita
Sempre pront'à luttà

In Terra Nostra riverita
Serai per l'eternità
Una bellezza sculpita
Empiuta di fraternità

A lotta ùn hè finita
Ti senteraghju trimulà
Testa Mora, una vita
Un ghjornu rialzerà!

Photo et texte : Letizia Cosimi