U TEMPU CHÌ PASSA.
Anghjula Potentini 

Sti tre solchi stampati in fronte 
Chi s'incalcanu ogni ghjornu 
So tutte le mio annate conte, 
E perdute senza ritornu. 
Ben chè u core un sia vecchju 
Quandu m'arrizzu ogni mattina 
Si mi fiduleghju nentr'u specchju 
Mi dicu: « ottanta s'avvicina » 

Dopu cent'anni e centu mesi 
Ancu l'acqua s 'ell'un hè torta 
Ritorna fina a i so paesi 
Ma u tempu maï n'un volta 
Cum'una petra ch'omu si ghjeta 
Chi un rivenne maï in manu 
U tempu passa e un'aspetta 
Si brama quand'ellu hè luntanu 

Hè un ricordu zitellinu 
So l'ultimi ghjorni di scola 
D'un pasturellu cantarinu 
In una pieve muntagnola 
Hè un rittratu, una canzona 
U primu amore a quindec'anni 
U tempu passa e si perdona 
Centu prumesse e mille inganni 

A ghjuventù hè troppu corta 
Po una mane hè finita 
E , a l'omu maïo li porta 
Angosce e guaï, a la so vita 
Hè cum'un colpu di cadena 
Chi ci scapperebbe à disgrazia 
U tempu fughje e s ' alluntana 
Senz' aspettà l'omu chi strazia 


Ci spica di a nostra ghjente 
Senza dumandaci l'avvisu 
Furtuna chi ci ferm'a mente 
Sempre un sguardu, un surrisu 
Si conta nantu qualchisia, 
Po, una mane omu s'accorge, 
Ch'omu hè solu a mezza via 
Per canta e purtà a croce 

Un ci vole mica esse ingordi 
Un ghornu ci lascemu tuttu 
E tant'un so più che ricordi 
Tra capitale, fondu e fruttu 
E percio che sti ghorni cari 
I mi vogliu passa felice 
A mezz'a tutti li moi cari 
Sempre cantendu incu l'amici 

L 'accella santa s'ell'un more 
Riturnerà ogni verannu 
Invece u tempu chi corre 
Aspetallu serebbe vannu

Sti tre solchi stampati in fronte
Chi s'incalcanu ogni ghjornu
So tutte le mio annate conte,
E perdute e senza ritornu
Ben chè u core un sia vecchju
Quandu m'arrizzu ogni mattinaclos      e
Catégories : CHANSONS CORSES.
CARLES DUARTE - BASTIA
Article suivant
Retour à l'accueil