DE L'ALMA À LA RIMA.

DE L'ALMA À LA RIMA.

Sunnieghju chì le mio rime
Sguassanu l’amarore 
Sin’à le più alte cime 
È cantanu à l’albore 

Un bellu versu più vicinu 
Chè lu sole à lu chjarore
Un lamentu à u caminu 
Per diventà u calore 

D’una canzona matutina 
Una fiama per rimore
La mio piuma in viulinu 
È l’inchjostru per discorre 

S’imbuleghja la mio mina 
In un fiume in furore 
Hè una parolla in cima 
Nant’un fogliu di candore 

Aghju sunniatu prima 
Cù una canzona in core 
Chì la mio più bella rima 
Hà discitatu l’Amore...

Letizia Cosimi.