L'APA MARAVIGLIOSA.
L'APA MARAVIGLIOSA.
Vi cunteraghju a fola
Chì m’annega sta matina
Quella di l’apa chì sola
Face nasce quì vicinu
Lu so mondu in lu so volu
L’apa madre hè a prima
Volta è gira ogni ghjornu
È po ferma à a cima
Cù l’ernaghju à l’ascosu
Ma ghjè ella sta Regina
Chì dà l’ordine in prosa
È u bugnu cum’è rima
L’essame hè sempre chjosu
Cantanu à l’improvisu
Cù l’inchjostru spaventosu
Senza mandà un surrisu
I favi sò generosi
U mele dà lu so visu
Po cù le so mani dolci
Vene ammassà a matina
Lu so fruttu maestosu
D’un versu chì dice in fine
Chì l’apa maravigliosa
Hè un cantu à u ravisu...
Letizia Cosimi.