DI QUALE SI L'AMORE ?

DI QUALE SI L'AMORE ?

 

Da l’alba à la bughjata
Senteraghju u dulore
Un sicretu inumatu
Chì ferma in lu mio core 
Stu ricordu zuccatu
Chì mai ùn si po more
Un veru prigiunatu
Di quale si l amore ? 

A vita hè attempata
È u tempu Chì corre
Mi conta à l attrachjata
Un veru batticore
Chì a sorte lampata 
Mi tomba à tutte l ore 
Un veru prigiunatu
Di quale si l amore ?

Li mio versi impiegati 
Ùn anu amarore 
Anu persu lu fiatu
Cantanu à l albore
L amore cundannatu
Tenenu u calore
Un veru prigiunatu
Di quale si l amore? 

Un mumentu arrubatu 
Chì mi face discorre 
Cù l alma addisperata
Ne sentu lu rimore
Lu to passu liatu
À u meiu in core
Un veru prigiunatu
Di quale si l amore ? 

Per sempre canteraghju 
‘Ssu lamentu chì vole 
Campà a lu to latu
Senza cuntà ne fole 
U destinu hà pichjatu
Lu mio core hè in dolu
Un veru prigiunatu
Di quale si l amore ?

Letizia Cosimi

Retour à l'accueil