OMAGIU A MAMMA.

L'amore d'una mamma si rissente ancu a l'altru mondu !

Di tuttu stu tempu passatu
Quantè cose anu cambiatu .
Spessu ò mà, quandu ci pensu,
A mio vita hà un'altru sensu !
T'arricordi ò mà
Quand'eramu zitelli ?
Quattru surelle è trè fratelli,
Un cuvata di piulelli !
Eramu poverI è senza danari
Ma cusi stretti è tantu cari.
Babbu, propiu per bisognu
Era arrittu tempu à ghjornu.
Tù ò mà cum'è una nera,
Faccendiva mane è sera !
Di ste ghjurnate senza cura
Un'aviate paùra !
E oghje ò mà chi tuttu hè cambiatu
Dicci perche, ci manca u passatu ?
Roba ci n'hè abbastanza,
Cunniscimu l'abundanza.
Tutt'ognunu vivè bè
E bisognu un ci n'hè
I strazii passati
L'avemu dimenticati !
Ma ci manca ù piu preziosu
L'amore senza negoziu
L'affettu strettu di a famiglia
Senza nussun'pichiglia.
Per mè ò mà, tuttu hè a mente
Issu passatu è a mo ghente!

Paola-colomba Maurizi