Overblog Suivre ce blog
Editer l'article Administration Créer mon blog
Corse Images et Histoire

Corse Images et Histoire

Découverte de la Corse : ses paysages, sa Culture, son Histoire, sa Langue.

STIRLING BRIDGE.

STIRLING BRIDGE.

 

STIRLING BRIDGE. 


   U sole brusgia à l’orizonte
   À dolci raghji scalda e fronte                          
   In a campia u ventu voca                       
   È d’ogni silenziu si ghjoca                          
   Quassù à nant’à e culline                            
   U core pienu quasi à schiattà                                 
   L’omi sò pronti à ghjungne à fine                        
   Da difende a so libertà                       
   Incù a forza immensa d’una mossa cumuna                                                      
   Per mughjà à l’inglese chì ‘ssa tarra ùn s’affuna                                     
   È chì regnanu quì  u sole cù a luna                     
   È chì regnanu quì                
   u sole cù a luna

   U sole luce à u celente
   Pianu, pianu infrebba e mente
   In a campia u ventu voca
   È ogni silenziu s’alloca
   È a battaglia si scatena
   Si tomba per ùn esse tombu
   U farru contru à u farru mena
   Sin’à cunfonde voce è ribombu
   Incù a forza immensa d’una mossa cumuna
   Per mughjà à l’inglese chì ‘ssa tarra ùn s’affuna
   È chì regnanu quì u sole cù a luna (BIS)
 

   U sole more à l’orizonte
   Si piatta daretu à u monte
   U ventu alliscia a campia
   A nebbia s’hè fatta pisia
   Solu per rompe u silenziu
   È dà fiatu à a mio musa
   Cum’è un ultimu licenziu
   Si lagna una caramusa
 

   Dumane un sole à l’orizonte
   Brusgiarà da scaldà e fronte
   In a campia assirinata
   Ci vucarà ogni vintata
   Diceranu voce é ribombu
   Adduniti à l’eternità
   Perchè tumbà o esse tombu
   Da difende a so libertà ?
   Incù a forza immensa d’una mossa cumuna
   Per mughjà à l’inglese chì ‘ssa tarra ùn s’affuna
   È chì regnanu quì u sole cù a luna (BIS)

Chanson du groupe Vitalba.

Source Sunemu Net.

Partager cet article

Repost 0

Commenter cet article