Overblog Suivre ce blog
Editer l'article Administration Créer mon blog
Corse Images et Histoire

Corse Images et Histoire

Découverte de la Corse : ses paysages, sa Culture, son Histoire, sa Langue.

U VECCHJU CASEDDU.

U VECCHJU CASEDDU.
U VECCHJU CASEDDU.
(POEME EN LANGUE CORSE DU SUD)
 
Postu sutt' a la scugliera
Solu in alta muntagna
S'hè sfraïatu u muradonu
S'hè siccatu lu pudonu...

Quandu vogu in quidu locu
Pa ved' u vecchju caseddu
Mi mettu sempri a pusà
Anant'u zuddu, pa pinsà

Da l'antichi, sculpitu
Da u passatu, lu vistighu
S'induvina lu sudori
Di tanti travaddadori

A vicinu c'hè lu furu
Attacatu a u muru
Drintu, cucià u pani
Di tutti li paisani

Rivighu a vicchjaredda
Andendu a a Funtanedda
In u violu petricaghjosu
U so capu pinserosu

Sutta' lu vecchju castagnu
L'omu s'hè addurmintatu
Nanàtu da u Maestrali
E da l'onda, in fiuminale

Sentu ghjuca i ziteddi
A mezz'a i pinitteddi
Sentu runca l'asineddu
Liat'a u catareddu

Pianu, Pianu cala a notti
A ghjurnata pidda fini
E sut'a lu ciel'divinu
Canta u gridu sittimbrinu

Oghji l'orti so spariti
Manghjati da li machjoni
Un si senti piu zappà
Ne vangà, ne anacquà.

U vecchj'omu si n'hè mortu
L'asineddu un ronca piu
Hè sparita a vicchjaredda
U locu hè pien'di muredda.

E pensa chi ti ripensa
Ma chi servi a rumigjhà ?
A fa crescia u dulori ?
A inchjudassi lu cori ?

Postu sutt'a la scugliera
Solu in alta muntagna
S'hè sfraiatu u muradonu
S'hè siccatu lu pudonu...


Francescu Canonici.

 
 

Partager cet article

Repost 0

Commenter cet article