U VERANU.

VERANU.

Simu à la fine d'aprile
Si disceta la natura
L'ortu crosciu di la guazza
Hà cambiatu di vestura.
È l'arburi tutti in suchju
Si coprenu di virdura.

U chjuchjulime di l'acelli
Empie lu celu pulitu;
Cappellette è cardelline
S'affaccendanu à lu nidu
Intricciatu filu à filu
In lu so più piattu situ.

U bufunime di l'ape
Copre tutti li rimori.
Sò surtite da le bugne
Per suchjulà li liquori
Chìlu mele sarà bonu
S'elli sòscelti li fiori.

Di stu sole di veranu
Ne tira prufittu ognunu;
Tutt' i guài di l'invernu
Si ne vanu unu à unu.
È di li pessimi mumenti
Ù ne ferma più manc' unu.

Di sente cantà lu cuccu
È lu ciocciu chì si lagna,
Sò tanti segni di vita
Chì animanu la campagna;
L'omu ùn si sente più solu
Chì a natura l'accumpagna.

Santu Romani
Photo: André Rabanne
Gobe mouches
Beccamosca, scema, chjappamosca, ciaccia, san ghjuvanina,.....